في عيد ميلاده.. شوف الغزل والرومانسية على طريقة هنيدي

في 1 فبراير من كل سنة، بيحتفل هنيدي بعيد ميلاده. هنيدي بالنسبة لناس كتير هو أهم ممثل كوميدي في آخر 20 سنة على الأقل. قدم للناس أعمال غيرت شكل الكوميديا. ولغاية دلوقتي الناس بتتفرج على فيلم عمله هنيدي من 20 سنة ويضحكوا ويرددوا الإفيهات ويحولوها لميمز وكوميكس.

وباختلاف الأدوار اللي قدمها، ماشوفناهوش بيعمل دور الجان الرومانسي ولا بيتنحنح ولا بيوقع البنات في حبه، بس كانت ليه لحظاته الرومانسية أو لحظات بيحاول فيها يغازل ويقول كلام حلو بس بطريقته. في الفيديو ده جمعنالك أشهر مشاهد هنيدي الرومانسية، عشان تتعلم!