الأمم المتحدة هتنظم حفلات في محافظات مصر للتوعية عن ختان الإناث والصحة الإنجابية

الموسيقى من أجل التنمية، ده الاسم اللي اختاره صندوق الأمم المتحدة للسكان عشان ينظم بيه حفلات موسيقية يكون لها تأثير ثقافي وفكري وتساعد على تغيير السلوك الاجتماعي للأفضل. الحفلات دي هتمر على 16 محافظة يتلعب فيها مزيكا، يعنى نقدر نقول إنه جولة موسيقية لخمس فرق موسيقية، هما "فريق هاى دام - فريق الميناء - سحر الزغبي - مشروع ياسمين زكي"

وكل حفلة هيكون فيها خمس أغنيات عن المواضيع التالية: تفضيل الأسر الصغيرة الحجم، والتخلي عن ختان الإناث، والترويج حول مشاركة الشباب وحقوق المرأة في التعليم والصحة الإنجابية 

دلوقتي دي الجوله التالتة وهيروحوا على "كفر الشيخ - دمياط - بورسعيد - الإسماعيلية"، تبدأ الجولة الخميس النهاردة وتنتهي يوم الأحد، عشان الفرق تاخد راحة وتقدر تكمل باقي المحافظات. هدف البرنامج هو إن أي مجتمع قابل للتغير لو استخدمنا الأدوات المناسبة. والمزيكا أداة اجتماعية قوية جداً والموضوع كله برعاية صندوق الأمم المتحدة للسكان بمشاركة السفارة السويسرية.