"حوت الإسكندرية" مات من الجوع وهيتعرض في متحف علوم البحار بعد سنتين

من أسابيع وتحديدًا يوم 7 يناير، ظهر حوت نافق على شاطئ فندق أزور في إسكندرية، الدكتورة عبير السحرتي -عميد معهد علوم البحار والمصايد- قالت لـ"لمصري اليوم"، إنه مات من الجوع ومامتش منتحر ولا اتعرض للارتطام بالسفن زي مالناس قالت، وإنه حوت نباتي بيتغذى على الطحالب والبحر الأبيض المتوسط مافيهوش طحالب كتير، وضافت "السحرتي" إن الحوت ده كان أنثى وعمرها 8 سنين ووزنها 4 أطنان بطول أكتر من 12 متر، وهي من الأنواع اللي عايشة في المية المصرية ومهددة بالانقراض.

القوات البحرية نقلت الحوت بالأوناش للمدفن اللي اتعمل مخصص عشانه، واتحط فيه حوالي 5 طن جير حي و 5 طن ملح عشان تحفظ هيكله، اللي هيتم عرضه في متحف المحنطات بعد عامين بالكتير، عشان يكون اتحلل بالكامل ويفضل هيكله ويتم عرضه للجمهور.