أماكن تصوير غريبة في فيلم "عيار ناري"

مع انطلاق فيلم عيار ناري للمخرج كريم الشناوي والمؤلف هيثم دبور في دور السينما المصرية لفت انتباه المشاهدين عدد من مواقع التصوير الذي كشف فريق العمل كيف تم اختيارها وتجهيزها لتصوير فيلم الجريمة والإثارة والذي تدور أحداثه حول جريمة قتل غامضة ضحيتها شاب تصدم أبطال الفيلم حول مفهوم الحقيقة وتخليهم يسألوا أسئلة بتفتح جوا المشاهدين كمان أسئلة.

المشرحة

المشرحة كانت من أماكن التصوير المميزة في فيلم عيار ناري خاصة أنها كانت شديدة الواقعية وهتحس وانت بتتفرج إنهم أكيد صوروا في مشرحة حقيقية لكن المفاجأة أن المشرحة بالكامل تم بنائها في الجامعة العمالية، وبحسب مدير التصوير عبد السلام موسى فقد تم زيارة المشرحة الحقيقية لكن أجواء المكان جعلت من الصعب على الممثلين التصوير فيه، ونتيجة لذلك تم بناء نسخة منها وكان الهدف هو أن يخرج شكل المشرحة حقيقياً ويحقق التوازن بين كونه مكاناً قاتماً غير مريح نفسياً وفي نفس الوقت لا يُشعر المشاهد بالنفور حتى وإن كان مكاناً خاصاً بالجثث.

المحاجر

من الأماكن المميزة جداً والتي جذبت انتباه كافة المشاهدين هو مشهد المحاجر، الفيلم ده هو تقريبًا أول فيلم مصري يتم تصويره في المحاجر، المخرج كريم الشناوي صمم إنه يعمل التصوير هناك ويسافروا المنيا ويروحوا جبل الجير اللي بيبعد 4 ساعات عن أقرب فندق ليه، ولأننا صورنا هناك قبل كده فأحنا عارفين الموضوع متعب ازاي، كريم الشناوي المخرج قالنا في حوارنا معاه إنه تصوير المحاجر كان اليوم الأخير في أيام التصوير عشان صعوبة حدوث ده، محمد ممدوح كمان قالنا إن مهنة "خالد" وشغله في المحاجر اضافت ليه بعد تاني، وخليته يشوف حياة ماكنش يعرف إنها موجودة وازاي الناس هناك عايشين. 

صور المحاجر من تصوير محمد طاهر.