"الفن بيطرح أسئلة مش بالضرورة يدي أجوبة": حوار مع أبطال فيلم "بين بحرين"

لو بتخاف تواجه مشاكلك يبقى الفيلم ده مش ليك. الفيلم بيتكلم عن المشاكل اللي بتواجهها الستات في مصر، من أول الختان لحد عدم التعليم، مرورًا بالضرب من الزوج أو الإهانة من الأهل، أو حتى التهميش من المجتمع. الفيلم بتدور أحداثه كلها في "جزيرة الدهب" اللي بتوصلها بمعدية من النيل، بسلاسة وببساطة توصل لكل الناس بتعرف المشاكل وبتتعاطف مع الشخصيات، وعشان كده فاز الفيلم بجوائز كتير، كان أهمها أفضل فيلم روائي في مهرجان بروكلين السينمائي. احنا قابلنا أبطال الفيلم وسمعنا منهم.