أحمد أمين هيقدم عرض ستاند أب كوميدي على مسرح الأنفوشي يوم 5 نوفمبر

سلسلة عروض الستاند أب كوميدي، اللي بيقدمها أحمد أمين بعنوان "مين أمين"، هتوصل إسكندرية يوم الخميس 5 نوفمبر الجاي على مسرح الأنفوشي، الساعة 8 مساءً.

أمين قال على صفحته على انستجرام: "حبايبي الاسكندرانية اللي بيزعقولي في كل بوست انزله.. أنا جي أهو.. وقريب جدا هقولكم مواعيد حفلات القاهرة بدل اللي خلصناها بسرعة دي. هختار من كومنتات الtop fans على البوست ده ٥ يكسبوا دعوات مجانية لحضور الحفلة وأكيد هعمل كدا في حفلات القاهرة كمان."

تذاكر الحفلة موجودة على موقع تيكتس مارشيه، وبتبدأ من 500 جنيه ولحد 1500، وأرباح الحفلات دي بتروح لصالح مستشفى معهد الأورام في القاهرة.