أسبوع القاهرة للتصميم راجع من تاني!

القاهرة بتتحول لمعرض مفتوح: 

في أسبوع واحد بس، الحدث ده بيخلي القاهرة تتحول لمعرض فني كبير، وبيدي فرص حقيقية للمواهب الشابة، وبيجذب آلاف الزوار اللي بيغيروا نظرتهم للتصميم من كونه مهنة متخصصة لفن وثقافة.

"أسبوع القاهرة للتصميم" وفي خلال 3 سنين، اتحول من مجرد تجربة بتحصل في مصر الجديدة، لواحد من أكتر الفعاليات الثقافية أهمية، وده غير إنه بقى جزء من شبكة "أسابيع التصميم العالمية".

في "أسبوع القاهرة للتصميم" الأرقام بتتكلم:

الدورة التانية من الحدث اتعملت مصر الجديدة ووسط البلد وقلعة صلاح الدين والمعادي والزمالك، كاستكمال لدورة أولى ناجحة شارك فيها 77 عارض، وأكتر من 60 مشارك من رواد التصميم، ولجنة من كبار الخبراء في المجال، وأكتر من 10 آلاف زائر.

"احنا عايزين الناس تتكلم عن معنى أنك تكون مصمم، التصميم موجود في كل حاجة حوالينا، سواء كان مبنى أو حقيبة – احنا بنصمم لنشر السعادة".

بيقولنا هشام مهدي مؤسس "أسبوع القاهرة للتصميم"

"كن جزءًا" من الحدث:

سواء كنت ستوديو تصميم، أو صاحب موهبة، أو علامة تجارية، أو زائر حابب يشوف الفن، باب المشاركة دلوقتي مفتوح عن طريق قسم "كن جزءًا" في الموقع الرسمي لأسبوع القاهرة للتصميم. 

https://cairodesignweek.net/

فعاليات كتيرة هتكون مفتوحة للجمهور، وفعاليات تانية محتاجة تسجيل مسبق – لكن كلها مصممة لتشجيع التفاعل والحوار عشان تشوف العالم بشكل جديد.