دار الإفتاء: "حلاوة المولد جزء من السنة النبوية"

قال خالد عمران، أمين لجنة الفتوى بدار الإفتاء، إن حلاوة المولد جزء من السنة النبوية واقتداء بالرسول الكريم في جبر الخواطر، وأكد إن دار الإفتاء أصدرت فتوى قبل كده في نفس الشأن.

وأضاف عمران، خلال مداخلة هاتفية لبرنامج "رأى عام" مع الإعلامى عمرو عبدالحميد على قناة "TeN"، إن دار الإفتاء المصرية أنتجت فيلم كرتون بيشجع الاحتفال بالمولد النبوي الشريف بهدف مخاطبة الناس فى إطار الجهود المبذولة لتجديد الخطاب الديني، كمان لحماية الشباب من الأفكار اللي بيحاول المتطرفين زرعها فى عقولهم لتحريم كل حاجة حواليهم.

وأشار لإن المتطرفين عايزين يحرموا المسلمين من أي فرحة، وبيحرموا كل المناسبات رغم إن الإسلام دين فرحة وبهجة.

وأكد إن "الإفتاء" هتنتج فيديوهات كتير بخصوص الفتاوى المتطرفة في الفترة اللي جاية.