أول مدربة كرة يد مصرية تحترف وهتدرب منتخب استراليا

هبة علي أول مدربة مصرية تحترف تدريب كرة اليد عشان تدرب منتخب استراليا في منافسات بطولة أمم آسيا في الفترة من 30 نوفمبر إلى 9 ديسمبر في اليابان، "هبة" قالت في حوار لموقع في الجول بداياتها لحد ما وصلت للمنصب ده.

 كانت بتلعب كرة يد في صفوف الناشئين في الزمالك وبعدها بسنتين راحت النادي الأهلي بصفوف فريق 14 سنة وفضلت تلعب لحد سنة 2007، انضمت "هبة" لمنتخب مصر لكن وقتها ماكنش مسموح للسيدات إنهم يشاركوا في البطولات الدولية وملعبتش غير بطولة كأس الأمم الأفريقية في 2004.

"هبة" سافرت الإمارات وقدرت إنها تحصل على دورات للتدريب ودربت نادي الجزيرة وقدرت تحصل على بطولات معاه، وبعد كده نادي الظفرة اللي بقى أقوى نادي كرة يد سيدات في الإمارات، وبقت عضو في اللجنة النسائية لاتحاد كرة اليد في الإمارات.

بالصدفة سافرت "هبة" لاستراليا وقابلت هناك مسئولين إتحاد كرة اليد اللي كانوا بيدوروا على مدربة ولاقوها مناسبة للمهمة دي رغم قلقها في البداية.