أول موقع لتعليم الخط في الوطن العربي مجانًا

لو محتاج تحسن خطك أو خطك حلو بس عايز تتعلم أنواع مختلفة من الخطوط العربية، تقدر تدخل على موقع "الخطاط"، أول موقع لتعليم الخط في الوطن العربي مجانًا. 

الموقع بيقدم 4 أقسام رئيسية للتعليم:

الخط العربي: بيضم 16 كورس مختلف لتعليم الخطوط زي الخط الديواني والمغربي وخط الثلث وغيرهم من أنواع الخطوط، وهتتعلم من خلال الكورسات شرح الحروف وتركيبها والدمج. 

الخطوط الطباعية العربية: هتقدر تتعلم تصميم وبرمجة الخطوط وتطويرها. 

الزخرفة الإسلامية والتذهيب: بيضم القسم "أساسيات الزخرفة العربية وورشة فن الزخرفة الإسلامية. 

الخط العربي في التصميم: القسم ده يهم مصممين الجرافيك، لإن هيكون فيه تصميم الشعارات الخطية بخط الوسام ودليل استخدام الخط العربي في الكمبيوتر، وغيرهم من الكورسات. 

من مميزات الموقع إنه بيضم 3 مستويات من التعليم فـ بيسهل اختيار المتعلم للي محتاجه بشكل كبير، وبيربط بين محبي الخط العربي في الوطن العربي ببعض، وبيقوم بدور شبكة تواصل اجتماعي للخطاطين وتقدر تعرض شغلك على الموقع وبيقدم المحتوى بأشكال مختلفة من الشرح. 

تقدر تدخل على الموقع من هنا