إعادة انتخاب الناقد أحمد شوقي رئيسًا للاتحاد الدولي للنقاد

وده بإجماع 29 دولة حضرت انتخابات الجمعية العمومية، عشان يكون "شوقي" رئيس لمجلس منتخب هيضم 3 نائبات للرئيس، وهما الناقدة الإيطالية باولا كاسيلا، الناقدة الأوكرانية إيلينا روباشيفسكا، والناقدة المقدونية مارينا كوستوفا.

كمان أحمد شوقي هو رئيس جمعية نقاد السينما المصريين، اللي بتمثل النقاد المصريين في الاتحاد الدولي من وقت تأسيسها سنة 1972.

والجمعية العمومية لفيبريسى أقرت لائحة جديدة، نصت على إلغاء منصب السكرتير العام، ونقل كل مسؤولياته لمجلس الإدارة المنتخب، وتغيير مقر الاتحاد الرئيسي عشان يكون مدينة إقامة الرئيس بدل ما كانت مدينة إقامة السكرتير العام، وبكده فمدينة القاهرة هتكون مقر الاتحاد الدولي للنقاد طول الـ 4 سنين الجاية، بعد 38 سنة كان المقر فيها مدينة ميونخ الألمانية.

الإعلان وقررات الجمعية حصلت في اجتماعات الجمعية العمومية للاتحاد في العاصمة المجرية بودابست على هامش مهرجان بودابست للأفلام الكلاسيكية.

جدير بالذكر إن الاتحاد الدولي للنقاد (فيبريسي) اتأسس سنة 1925 في العاصمة البلجيكية بروكسيل. والسنة دي بيحتفل بمرور 100 سنة على تأسيسه بتنفيذه مجموعة من الأنشطة زي تكريم المخرج المجري استيفان زابو بجائزة إنجاز العمر بمهرجان كان السينمائي، وتكريم المخرج الماليزي تساي مينج ليانج بمهرجان فينيسيا السينمائي، وده غير الاحتفالات والأنشطة اللي هيستضيفها مهرجان القاهرة، والجونة السينمائيين.