احتفالًا بظاهرة تعامد الشمس.. انطلاق مهرجان أسوان للفنون

المهرجان مستمر لحد 22 أكتوبر، وبتنظمه الهيئة العامة لقصور الثقافة برئاسة اللواء خالد اللبان، تحت رعاية وزير الثقافة د. أحمد فؤاد هنو ومحافظ أسوان اللواء د. إسماعيل كمال.

المهرجان هيشارك فيه 9 فرق فنون شعبية من مختلف المحافظات: أسوان، الأقصر، بورسعيد، العريش، سوهاج، كفر الشيخ، ملوي، توشكى التلقائية، والأنفوشي.

وبيبدأ المهرجان بحفل افتتاح على مسرح فوزي فوزي، فيه معرض فني من شغل الورش الحرفية التابعة للهيئة.

العروض هتستمر لحد 20 أكتوبر في قصور الثقافة بأسوان، وبعدها هتسافر الفرق يوم 21 لأبو سمبل عشان تقدم عروض هناك داخل  المعبد، و في نفس اليوم بليل  بمسرح السوق السياحي.

وفي صباح 22 أكتوبر، ختام المهرجان مع لحظة الشروق اللي بتتعامد فيها الشمس على وجه رمسيس الثاني  مشهد بيوضح عبقرية المصري القديم في الفلك والهندسة.