افتتاح مترو مصر الجديدة في يناير 2019

المهندس حسن توفيق، المتحدث الرسمي باسم الهيئة القومية للأنفاق، قال إن هيتم افتتاح مترو مصر الجديدة للجمهور بشكل رسمي في يناير 2019، وإن حاليًا وزارة النقل متمثلة في الهيئة، بتواصل العمل على اختبارات أنظمة الإشارات والأعمال الكهرميكانيكية في محطات "هارون - هليوبوليس - ألف مسكن - نادي الشمس"، وبيتم تشغيل القطارات بدون ركاب بالليل بعد انتهاء تشغيل المترو.

وأضاف توفيق، لـموقع "الوطن"، إن محطة هليوبوليس القطارات مش هتقف فيها عشان لسه فيها تشطبيات ومش هتشتغل قبل مايو الجاي، في نفس الوقت أكد إن مقترح زيادة أسعار التذكرة لسه تحت الدراسة.

أما الدكتور هشام عرفات وزير النقل، فقال إن قطاع النقل يعتبر أحد أهم القطاعات الخدمية الحيوية المهمة وحصل في القطاع تقدم كبير خلى مصر تتقدم في تقرير تنافسية الدول الصادر عن منتدى الاقتصاد العالمي، في بند جودة الطرق، وده بعد ما احتلت مصر المركز 75 عالميًا، بعد ما كانت في المركز 118 سنة 2014، كمان أوضح إن مصر اتقدمت 27 مركز في جودة السكة الحديد، وبقت الـ 51 بعد ما كانت في المركز 78.