"البحث عن منفذ لخروج السيد رامبو" هيتعرض على "شاهد" بداية من ٧ أغسطس

وبيحكي عن حسن، الشاب التلاتيني، اللي بيحاول يكتشف نفسه من جديد، ومواجهة خوفه من الماضي، وده خلال محاولته لإنقاذ كلبه وصاحبة المقرب "رامبو" من مصير مجهول، بعد ما اتورط في حادثة خطيرة من غير ذنب، عشان يكون فجأة مُطارد من جاره كارم وكل سكان الحي.

"البحث عن منفذ لخروج السيد رامبو" حقق نجاح كبير بالنسبه للجمهور والنقاد، وده غير الجوايز الكتيرة اللي حققها الفيلم، زي:

الجايزة الكبرى وجائزة النقاد في الدورة الـ24 من مهرجان "سينيميد" في بلچيكا، وفاز بجائزة لجنة التحكيم بمهرجان البحر الأحمر، اللي اتعمل في المملكة العربية السعودية.

وإدارة مهرجان فينيسيا السينمائي الدولي، اختارت الفيلم عشان يكون ضمن العروض الرسمية للدورة الـ 81، وده كان العرض العالمي الأول للفيلم ضمن برنامج Orizzonti Extra، وهو القسم  اللي بتتعرض فيه الأفلام اللي بتمثل أحدث اتجاهات السينما العالمية للمواهب الشاب.

وبالنسبة لإعلان الفيلم فهو كمان حقق عدد من الجوايز، زي: جايزة أفضل تيزر في الشرق الأوسط وشمال أفريقيا في النسخة الرابعة من جوائز الترفيه العالمية أو The Global Entertainment Awards.