"الكيلو 64" الفيلم الوثائقي الوحيد في مسابقة آفاق في مهرجان القاهرة السينمائي

 الكيلو 64 هو فيلم وثائقي هيتعرض في مسابقة آفاق السينما العربية ضمن فاعليات مهرجان القاهرة السينمائي في دورته الأربعين، الفيلم هو الوحيد التسجيلي المشارك في المسابقة دي وسط أفلام روائية. 

قصة الفيلم عن صيدلي شاب بيسيب كاريره واللي وراه واللي قدامه وبيبعد عن مجال دراسته عشان يروح يزرع الصحرا بعد ثورة يناير، بس الظروف ماكنتش شبه أحلامه وقابل صعوبات كتير. الفيلم من إخراج أمير الشناوي، ومدير التصوير محمد طاهر وموسيقى تويرية كريم يونس ومنتاج بدر ضاحي، مع عدد من المشاركين. 

أمير الشناوي شارك كمساعد مخرج في الفيلم الحائز على جوائز اشتباك للمخرج محمد دياب، وفيلمه الكيلو 64 هو فيلمه التسجيلي الطويل الأول.

الفيلم هيتم عرضه يوم السبت 24 نوفمبر الساعة 3 ونص في المسرح الصغير بدار الأوبرا المصرية والإعادة يوم 25 نوفمبر 2018 الساعة 09:30 مساء في سينما كريم 1.