تسديد المخالفات المرورية في مكاتب البريد لأول مرة

النهاردة وقعت النيابة العامة ووزارة الاتصالات والهيئة القومية للبريد، بروتوكول تعاون يتيح للمواطنين الاستعلام وسداد المخالفات المرورية والحصول على شهادات براءة الذمة، وده من خلال مراكز وفروع البريد في كل أنحاء الجمهورية، وجه اختيار البريد المصري بسبب انتشاره الواسع اللي بيوصل لـ 4000 فرع منتشرين على مستوى الجمهورية وكمان مستوى التطوير اللي حصل للمكاتب البريدية مؤخرًا.

الاستعلام عن المخالفات وسدادها والحصول على شهادات براءة الذمة هيتم من خلال ربط كامل بين شكبة البريد وشبكة نيابة المرور، الربط ده هيتيح كمان تقديم التظلمات من مخالفات المرور الكلية والجزئية، النظام الجديد كمان هيتيح إرسال رسائل على موبايلات المواطنين يتابعوا من خلالها المراحل اللي بتوصلها الطلبات أول بأول.

جدير بالذكر كمان إنه مش ممكن تزوير أو تقليد شهادة براءة الذمة اللي بيتم استخراجها للمواطنين، لأن بيتم طباعتها على ورق غالى التأمين وبيانات الشهادة مشفرة تشفير ثنائي الأبعاد من خلال تقنية QR Code.