Copied
بزيادة ٨٠٠ جنيه في اليوم الواحد.. تعديل أجر المرشد السياحي المصري
بداية من أكتوبر 2025
31 يوليو 2025
شريف فتحي، وزير السياحة والآثار، أصدر قرار بزيادة أجر المرشد السياحي في مصر بداية من أول أكتوبر الجاي، عشان يكون أجر العمل (8 ساعات شغل) يوم كامل 1800 جنيه، و1100 جنيه للعمل نصف يوم (4 ساعات شغل متصلة)، وده بعد ما كانت آخر زيادة في أجور المرشدين سنة 2023، وقتها المرشد كان أجره 1000 جنيه عن العمل يوم كامل، و600 جنيه عن العمل نصف يوم.
ومن المقرر تعميم منشور بالقرار على النقابة العامة للمرشدين السياحيين وغرفة شركات ووكالات السفر والسياحة، مع التأكيد على ضرورة الالتزام بعدم تقاضى أى مرشد سياحى أجر أقل من القيمة المتحددة.
القرار هدفه تحسين أوضاع المرشدين السياحيين، وحفظ حقهم، وزيادة أجرهم بشكل يناسب الظروف الحالية، وده تقديرًا لأهمية مهنة الإرشاد السياحى في الترويج للسياحة في مصر وزيادة معدلات الحركة السياحية.
- الموضوع اللي فات فيلم 100Nights of Hero لأمير المصري هيشارك في مهرجان فينيسيا
- الموضوع اللي جاي غادة عادل بتشارك في بطولة الجزء التاني من "وتر حساس"
