"بسيطة لايف" هتطلق أول مهرجان سينما افتراضي مخصص لأفلام الهواتف

منصة "بسيطة لايف" هتطلق أول مهرجان سينمائي افتراضي مخصص لأفلام الهواتف المحمولة، عبر منصتها، في الفترة من 15 أكتوبر لـ 15 نوفمبر الجاي.

مهرجان بسيطة للأفلام المصوّرة بالهواتف المحمولة هيستقبل الأعمال المصوّرة بمقاس TikTok أو Reels، ولازم العمل يكون بيحكي قصة بشكل صادق وحقيقي. التقديم متاح دلوقتي عن طريق لينك الاستمارة الموجود في صفحة @basita.live، وآخر ميعاد للتقديم هو يوم 30 سبتمبر.

"بسيطة لايف"هي أول منصة للسينما والمسرح الافتراضيين، وهي مساحة بتحاول تخلي الفن أقرب، بدعم الفنانين المستقلين عشان يعرضوا فنونهم المختلفة من أفلام، ومسرحيات، وعروض الموسيقى، بشكل أونلاين يقدر بيه الجمهور يشوفها من أي مكان في العالم.