تشغيل مجاني واستثنائي للمونوريل خلال ماتش مصر ونيوزيلندا

المونوريل هينقل الجماهير في مسار مباشر بداية من محطة "المستثمرين" وصولًا لمحطة "R2" بالعاصمة الجديدة، عشان الجماهير تتابع مباراة منتخب مصر ونيوزيلندا واللي هيتم بثها عبر شاشة المشجعين (EFZ) العملاقة بمنطقة النهر الأخضر.

وفي منطقة المشجعين، قبل الماتش هيكون فيه حفلة لديسكو مصر هتبدأ الساعة 12 صباحًا لحد الساعة 2 صباحًا، وستوديو تحليلي بيضم متخصصين في كرة القدم زي سيف زاهر، وحازم إمام، وعماد متعب، وعصام الحضري، وأحمد حسن، كمان هيتم نقل ماتش بلجيكا وإيران الساعة 10 مساءاً. 

فـ لو حابب تحجز مكانك في منطقة المشجعين بالعاصمة الجديدة، وتعيش تجربة تشجيع مختلفة احجز مكانك بشكل مجاني من على موقع "تذكرتي" وبالكود هتقدر تركب المونوريل مجانًا.