تكريم أمينة خليل في الدورة السابعة من مهرجان ميدفست مصر

التكريم ده لتقدير دور الفنانين والدكاترة في تمكين الجمهور من فهم النفس البشرية، وتعاملها مع مشاكل وتعقيدات الحياة، والتوعية بمفاهيم الصحة النفسية والجسدية بالفن والمعرفة العلمية. 

فـ أمينة خليل في السنين الأخيرة قدمت في السينما والتليفزيون أعمال ساعدت المشاهدين يتعرفوا على نفسهم ويفهموا تصرفات الآخرين، وده غير أعمالها اللي كسرت التابوهات في التعامل مع التحديات النفسية وقدمتها بطريقة فنية قريبة للجمهور.

والدكتورة منى الرخاوي مؤسسة منصة "نادى سينما الرخاوي" لمناقشة وتحليل الأبعاد النفسية لأبطال الأفلام، ساعدت الجمهور على فهم أعمق للذات الإنسانية بالفن.

والدكتور مينا النجار، مؤسس ومدير ميدفست مصر: قال إن واحدة من الأهداف الرئيسية للمهرجان هي نشر الوعي المجتمعي عن اللي بنشوفه من تحديات واختلافات إنسانية، وإزاي نتعامل معاها، وميدفست مصر بيهتم كل سنة أنه يكرم الشخصيات اللي ساهمت في تحقيق الهدف ده، سواء كانوا فنانين أو دكاترة.

جدير بالذكر إن ميدفست مصر بدأ للمرة الأولى سنة 2017، وهو مهرجان بيتعمل بشكل سنوي عشان يجمع بين صناع السينما والأطباء والمتخصصين النفسيين والجمهور في تجربة بتمزج بين الفن والصحة.

وده عن طريق الأنشطة المختلفة من عروض الأفلام من مصر والعالم، والحلقات النقاشية، وورش العمل، اللي بترفع الوعي المجتمعي بالصحة النفسية، وبتبرز دور السينما في التعبير عن التحديات الإنسانية.