Copied
جواز السفر الإماراتي في المركز الأول عالميًا
الجواز بيدخلك لـ١٦٧ بلد بدون تأشيرة
02 ديسمبر 2018
الباسبور الإماراتي حقق إنجاز كبير ووصل للمركز الأول عالميًا في مؤشر passport index اللي بيعتمد على عدد الدول اللي حامل الباسبور يقدر يدخلها بدون تأشيرة. "باسبورت إندكس" صنفوا جواز السفر الإمارات في المركز ده، بسبب إنك تقدر تدخل بيه 167 دولة بدون تأشيرة وبكده تكون أول دولة عربية تحقق الإنجاز ده.
جواز سفر سنغافورة جه في المركز التاني بعد الإمارات وفي المركز التالت ألمانيا وبعدهم الدنمارك والسويد في المركزين الرابع والخامس على الترتيب. نائب رئيس دولة الإمارات رئيس مجلس الوزراء حاكم دبي، الشيخ محمد بن راشد قال تعقيبا على الحدث ده: "في يومنا الوطني المجيد .. توالت إنجازاتنا .. قبل قليل صنف مؤشر passport index جواز الإمارات ليكون الأول عالميا بدخوله 167 دولة حول العالم بدون تأشيرة".
جواز السفر المصري احتل المركز الـ168 عالميًا وتقدر من خلاله تدخل 56 بلد بدون فيزا.
شوف التصنيف كامل من هنا
- الموضوع اللي فات الكنيسة المصرية عملت أول قداس صلاة في السعودية
- الموضوع اللي جاي صلي واقرا قرآن.. روشتات العلاج النفسي في مصر
الأكثر متابعة هذا الشهر
-
13 فبراير 2025 -
-
-
