أول حفلة بجمهور لفرقة الحضرة للإنشاد الديني بعد إلغاء الحظر

فرقة الحضرة للإنشاد الديني أعلنت عن أول حفلة ليها بجمهور، بعد قرار رئيس الوزراء المصري بتخفيف القيود ورفع الحظر، تمهيدًا لعودة الحياة لطبيعتها. الحفلة هتكون يوم السبت الجاي، 27 يونيو، في مركز الربع الثقافي بشارع المعز.

الحفلة هيتم تقسيمها لحفلتين، لأولى من 5 لـ 6:30 مساء، والثانية من 8 لـ 9:30 مساء، عشان مايكونش في تزاحم ويقدر الجمهور الحاضر إنه يراعي الشروط الصحية المطلوبة زي التباعد الاجتماعي. كمان الالتزام بلبس الكمامات هيكون شرط من شروط دخول الحفلة، وسعر التذكرة 100 جنيه.