شركة روتانا اشترت حقوق توزيع أغاني لحمو بيكا

من حوالي يومين، نشر مطرب المهرجانات حمو بيكا، صورة ليه جنب شعار شركة روتانا للصوتيات والمرئيات، وكتب عليها "قريبا". على أساس الصورة دي، الجمهور توقع إنه يكون في اتفاق شغل جديد بين بيكا وروتانا.

موقع "مصراوي" تواصل مع شركة روتانا، عن طريق سعيد إمام مدير الشركة في القاهرة، اللي قالهم: "بالفعل تم الإتفاق مع مغني المهرجانات حمو بيكا، للتوزيع الديجيتال لبعض أغانيه في الفترة القادمة، ونعد للكشف رسميا عن تفاصيله".

بيكا من ضمن قائمة المطربين الممنوعين من الغنا أو إقامة الحفلات بأمر من نقابة المهن الموسيقية.