عارضة الأزياء نور عريضة هتشارك في برنامج تلفزيون واقع بعنوان "قصة ثقة"

"قصّة ثقة" (Confidence is Queen) هو برنامج تلفزيون واقع جديد بطولة الموديل اللبنانية نور عريضة، هدفه يغير الطريقة اللي بنتكلم بيها عن الثقة بالنفس، والتركيز على قوة دعم الستات لبعضهم.

البرنامج بيجمع نور مع مجموعة من النساء الملهمات والمرشدات، لتوجيه مجموعة مختارة من النساء العربيات في رحلة فيها تحديات ومشاعر وضحك واستكشاف. 

نور عريضة هي عارضة أزياء لبنانية بيتابعها أكتر من 18 مليون شخص، معروفة بصدقها وتأثيرها الكبير على السوشيال ميديا، وشاركت قبل كده في حملات عالمية لبراندات، زي:

Audemars Piguet وSephora وBoucheron وMake Up Forever. 

والبرنامج هيتم إنتاجه بالتعاون مع شركة Front Row Filmed Entertainment وشركة Different Productions، ووكالة الإبداع المستقلة Read the Room.

نور عريضة قالت في تصريح ليها إنها مؤمنة إن البرنامج ده هيكون مختلف، ومتحمسة جدًا للتعاون مع Different Productions وRead the Room، لتقديم تجربة فيها جرأة، ومشاعر، ومتعة، والأهم إنها تكون صادقة.

وFront Row وDifferent Productions قالوا في تصريح مشترك:

قصّة ثقة مش مجرد برنامج، دي رسالة. تعاون فرونت رو وDifferent Productions جه بشكل طبيعي، لأن الأولى متجذّرة في السينما اللي بتحرك التفكير، والتانية متخصصة في سرد الواقع بشكل مؤثر. مع بعض بنقدّم حاجة قريبة من الناس، حقيقية وملهمة. وفي قلب المشروع ده نور عريضة، اللي بتمثل جيل جديد من النساء العربيات الواثقات في نفسهم، واللي مش بيخافوا يكونوا قويات وغير مثاليات في نفس الوقت.

جدير بالذكر إن "قصة ثقة" يعتبر أول تجربة لشركة Front Row في عالم تلفزيون الواقع بعد ما قدمت فيلم "أصحاب ولا أعز" أول فيلم عربي أصلي على نتفليكس، واللي تصدر المشاهدات في الشرق الأوسط ووصل للمركز الـ 3 على مستوى العالم، وده بجانب فيلم "من وراء الموج" اللي حقق نفس النجاح سنة 2025.

أما وكالة Read the Room فأسستها خمس نساء بخلفيات من وكالات عالمية في بيروت ودبي ونيويورك ومونتريال وريو دي جانيرو، وقدروا يحققوا أكتر من 300 جائزة عالمية، منها Cannes Lions، بحملات مؤثرة عن تمكين المرأة في الشرق الأوسط.

وشركة Different Productions، هي اللي ورا نجاحات زي دبي بلينغ وشارك تانك دبي وIt’s OK اللي كان بيعرض حياة النجمة اللبنانية إليسا.