فتح باب التسجيل في مسابقة الدورة 33 من مهرجان ومؤتمر الموسيقى العربية

دكتور علاء عبد السلام، رئيس دار الأوبرا، أعلن عن فتح باب التسجيل في مسابقة الدورة الـ 33 من مهرجان ومؤتمر الموسيقى العربية، اللي هيكون في الفترة من 16 لـ 25 أكتوبر، تحت إدارة المايسترو تامر غنيم.

المسابقة بتقدم فرصة حقيقية لاكتشاف ودعم المواهب في مجالات العزف والغناء، والتركيز على الإبداع بالموسيقى العربية، وإحياء التراث.

والمايسترو تامر غنيم، مدير المهرجان والمؤتمر، قال إن المسابقة السنة دي بتتقسم لـ 3 فروع، هما:

1- مسابقة د. رتيبة الحفني في الغناء العربى للشباب للفئة العمرية من 17 لـ 40 سنة، وشروطها إنك تبعت فيديو مايزيدش عن 3 دقايق، لأغنية لأم كلثوم وأغنية تانية من اختيارك. والفايز بالمركز الأول هيكسب جايزة 50 ألف جنيه، والتاني 40 ألف جنيه، والتالت 30 ألف جنيه.

2- مسابقة التخت العربي للفئة العمرية من 18 لـ 45 سنة، فيها التخت بيتكون من 5 لـ 7 عازفين، مطلوب منهم يقدموا عمل لواحد من قوالب الموسيقى العربية (سماعي – لونجا) وعمل تاني من اختيار الفريق، والفائز بالمسابقة هيكسب جايزة 70 ألف جنيه.

3- مسابقة الدكتورة رتيبة الحفني في الغناء العربى للأطفال للفئة العمرية من 6 لـ 12 سنة، وفيها المتسابق هيبعت فيديو مدته ماتزيدش عن 3 دقايق، وفيها المتسابق هيغني أغنية لأم كلثوم وأغنية من اختياره، والفائز بالمركز الأول هيكسب جايزة 35 ألف جنيه، والتانى 30 ألف جنيه، والتالت 25 ألف جنيه .

جدير بالذكر إن آخر ميعاد للتسجيل في المسابقات هو 30 سبتمبر 2025، وهيتم استقبال طلبات الاشتراك من هنا، أو خلال مسح الـ QR code الموجود على المنصات الرسمية لدار الأوبرا وعشان تعرف معلومات أكتر أو تستفسر عن أي معلومة تقدر تبعت على البريد الإلكتروني للمسابقة: arabmusic.competition@gmail.com.