فيلم "أضعف خلقه" أول تعاون بين أحمد حلمي وهند صبري وإخراج عمر هلال
بعد 3 سنين من الغياب
بعد 3 سنين من الغياب، هيرجع النجم المصري أحمد حلمي للشاشة الكبيرة مع فيلمه "أضعف خلقه" للمخرج عمر هلال وده أول تعاون بينه وبين النجمة هند صبري.
الفيلم هو تكرار تعاون بين شركتي فيلم كلينك وفرونت رو فيلمد إنترتينمنت، اللي أنتجوا قبل كده "أصحاب ولا أعز" مع شركة أرابيا بيكتشرز، بعد تعاونهم السابق في الفيلم السعودي الكوميدي الفانتازي مسألة حياة أو موت، واللي تم الإعلان عنه خلال مهرجان البحر الأحمر السينمائي السنة اللي فاتت. وبيكتمل فريق الإنتاج بشركة بي سكوير للمنتج أحمد بدوي.
الفيلم بيحكي عن دور عالم حيوانات نزيه بيلعب دوره أحمد حلمي، بيشتغل في حديقة الحيوان بالجيزة. بتدور الأحداث في عام 2007، لما كانت الحديقة التاريخية بتشهد عملية تطوير شاملة. وفي وسط الأقفاص المتهالكة بيكافح عالم الحيوانات للحفاظ على مبادئه وسط ضغوط مادية في بيته. وبيلاقي نفسه في مأزق لما بيعرض واحد من الزوار الأثرياء تبني بعض الحيوانات الزائدة عن الحاجة في الحديقة، وبيلاقي العالم نفسه قدام اختبار أخلاقي مؤلم. أما هند صبري فهي بتقدم من خلال "أضعف خلقه" حالة عاطفية عميقة من خلال دور أم تواجه الإيمان والخوف والبقاء.
"أضعف خلقه" من إخراج عمر هلال اللي قدم قبل كده فيلم ڤوي ڤوي ڤوي، محمد حفظي مؤسس ومدير فيلم كلينك بيقول: "أضعف خلقه هو واحد من المشاريع الطموحة اللي بتجمع منتجين بيتميزوا بذكائهم التجاري وشغفهم لقصص جديدة". وبيضيف جيانلوكا شقرا، الرئيس التنفيذي لشركة فرونت رو فيلمد إنترتينمنت "قصة الفيلم تسلط الضوء على قضية حق الحيوانات في حياة كريمة، وهو موضوع نادراً ما يتم تناوله في السينما العربية، لكنه في جوهره عن الإنسانية، عن التعاطف، والاختيارات، والقدرة على الصمود، وهي الأشياء التي تشكل هويتنا". وقال عمر هلال مخرج الفيلم: "أنا كبرت في القاهرة وكانت حديقة الحيوان بالنسبالي مكان فيه دهشة ومأساة صامتة وفيلم أصعب خلقه بيجمع التوتر ده بين الجمال والاضمحلال". الفيلم كوميديا سوداء ودراما وتشويق، وهيبدأ التصوير يوم 14 نوفمبر الجاري في القاهرة.
- الموضوع اللي فات بيع صور نادرة لعملية نقل معبد أبو سمبل في المتحف المصري الكبير
الأكثر متابعة هذا الشهر
-
-
11 أكتوبر 2025 -
-
