النائب العام أمر بحبس أب بتهمة ضرب ابنه المصاب بإعاقة حتى وفاته

أمر المستشار حماده الصاوي، النائب العام، بحبس أبٍ احتياطيًّا لاتهامه بضرب ابنه المصاب بإعاقة والتسبب في وفاته. النيابة العامة قالت في بيان، إنها وصلها إخطار بوفاة طفل بسبب ضرب والده له، وبعد تحريات الشرطة، النيابة تأكدت من ارتكاب الأب للواقعة.

انتقلت النيابة لمكان وقوع الجريمة، وشافت جثمان الابن اللي بيعاني من قصور في نمو أطرافه، ولقوا إن عنده إصابات متفرقة في جسمه. كمان بسؤال الأم قالت إنها سابت البيت ومشيت بسبب خلافات مع الزوج وسابت ابنها معاه، ولما رجعت البيت وشافت جثمان ابنها اتهمت زوجها بقتله لأنه كان معتاد على ضربه.

الأب قال إنه رجع من شغله لقى ابنه واقع على الأرض وبيصرخ فضربه عشان يسكت وسابه ومشي ولما رجع تاني لقاه ميت، ونفى الأب إه يكون متعمد قتل ابنه.