قرية سورية للستات بس مش مسموح فيها بإقامة الرجالة

الستات في سوريا بيتعرضوا لمشاكل كتير، من ضمنها إن كل الرجالة بتموت وهما بيكونوا مسؤولين عن بيوتهم وحياتهم بالكامل، عشان كده تم إنشاء قرية "النساء الأمازونيات" اللي كلها ستات وأطفال من غير ولا راجل واحد، القرية السورية اسمها «جينوار» في منطقة الدرباسية قضاء الحسكة شمال شرق سوريا.

القرية احتفلت بيوم مناهضة العنف ضد المرأة وكان أول يوم لافتتاح القرية، ويحق للرجال الزيارة من غير الإقامة فيها، وهيكون فيها ستات مش بس كرديات لكن أي ستات عايزين يعيشوا فيها، القرية فيها 30 بيت ومستوصف ومزرعة ومدرسة ابتدائية ومسرح ومزرعة خضروات ومقهى ومطعم للضيوف ومجلس للمرأة ومشغل للخياطة، وسكانها أمهات وأرامل ومطلقات.

فكرة المشروع بدأت من 2015 وحجر الأساس اتحط في مارس 2017، والستات هما اللي بيعملوا الطوب وبيزرعوا الشجر بدل من الجدران حول القرية، مشرفة القرية قالت إن ده عشان يعززوا دور المرأة ويعملوا ليهم مأوى، القرية ساهم في تأسيسها 15 مؤسسة ومنظمة.