مجلة "Time Out" اختارت القاهرة كواحدة من أفضل 20 مدينة للسياحة الليلية

السياحة الليلية نوع من أنواع السياحة، بيضم الأنشطة الترفيهية المختلفة اللي بتحصل من بعد غروب الشمس ولحد ساعات متأخرة من الليل، زي مثلًا المحلات والمطاعم وغيرها من الأماكن اللي بتكون فاتحة في أوقات متاخرة.

ووجود القاهرة في القايمة مؤشر إيجابي، لأن السياحة الليلية ليها دور مهم في جذب نوع جديد من الزوار اللي بيحبوا الأجواء الليلية، وده بيساعد على تحسين اقتصاد المدن، لما المطاعم، والمواصلات، والفنادق، والأنشطة الثقافية بتشتغل لوقت أطول، ومن ناحية تانية بيحسن صورة السياحة في البلد لأنه بيثبت إن البلد المستضيفة بتتمتع بالأمن والأمان.

القايمة ضمت 3 مدن أفريقية تانية بجانب القاهرة وهما:، مدينة لاجوس، النيجيرية اللي وصفها التقرير بأنها "مفعمة بالحياة"، ومدينة مراكش المغربية، اللي بيحصل فيها في الوقت الحالي نمو في شكل الحياة الليلية، ومدينة كيب تاون في جنوب أفريقيا ، ثالث أرخص مدينة في القايمة من حيث التكلفة.