مسلسلات مصرية قصيرة تخلصوها في قعدة واحدة

من المسلسلات الدرامية وفي نفس الوقت خفيفة وقصيرة وممكن تخلصوها في قعدة واحدة، مسلسل وش وضهر وده اتعرض سنة 2022 بطولة ريهام عبد الغفور وإياد نصار وإخراج مريم أبو عوف، ومسلسل الغموض في كل أسبوع جمعة بطولة منة شلبي وآسر ياسين، وإخراج محمد شاكر خضير. 

ولو عايزين تكملوا في الدراما المعقدة، لازم تشوفوا مسلسل الليلة واللي فيها بطولة زينة ومحمد شاهين واتعرض سنة 2022، مكون من 6 حلقات بس وأحداثه بتدور في إطار درامي تشويقي. 

ومن المسلسلات الخفيفة والكوميدية مسلسل بالطو بطولة عصام عمر، ومسلسل بيمبو بطولة أحمد مالك وهدى المفتي، ومسلسل البيت بيتي بطولة كريم محمود عبد العزيز ومصطفى خاطر وإخراج خالد مرعي. 

ومسلسل نمرة اتنين مكون من 8 حلقات منفصلين، كل حلقة بحكاية مختلفة وبيشارك في بطولته أكتر من حد زي آسر ياسين ومنة شلبي ونيللي كريم وعمرو يوسف، وكل حلقة من إخراج وتأليف مختلفين. 

ولو حابين تقضوا الإجازة بتتفرجوا على مسلسلات اجتماعية خفيفة، فلازم تتفرجوا على مسلسل “كتالوج” بطولة محمد فراج وريهام عبد الغفور وإخراج وليد الحلفاوي، ومكون من 10 حلقات بس، كمان مسلسل “مطعم الحبايب” بطولة أحمد مالك وهدى المفتي، بتدور أحداثه في إطار اجتماعي حوالين فكرة خفيفة، ومسلسل “الحرامي” بطولة أحمد داش ورانيا يوسف وبيومي فؤاد. 

ومسلسل “منورة بأهلها” من المسلسلات الدرامية المعقدة اللي بتدور أحداثها في إطار مختلف، عالم جديد ألفه محمد أمين راضي، بطولة باسم سمرة وليلى علوي وغادة عادل. 

وبعدها هتحتاجوا تشوفوا مسلسل “كارثة طبيعية” عشان تفصلوا بيه، مسلسل اتعرض في 2025 وشارك في بطولته محمد سلام وجهاد حسام الدين وكمال أبو رية.