٩٥% من المصريين بيستخدموا "سبوتيفاي" في تقليل توترهم

الدراسة واللي اعتمدت على عينة من 400 مستخدم في مصر بتقول إن 95% من المستخدمين شايفين إن سبوتيفاي بيساعدهم يقللوا التوتر خلال اليوم، و68% شايفين أنه بيحسسهم بالراحة والألفة.

وكمان 94% من المستخدمين في مصر أكدوا إن سبوتيفاي بقى جزء أساسي من روتينهم اليومي، وده بيعكس إن الاستماع للمحتوى الصوتي بقى مرتبط بالحالة المزاجية والروتين اليومي، مش مجرد وسيلة ترفيه.

الدراسة وضحت كمان إن الاستماع بيكون غالبًا مقصود ومش عشوائي، زي اختيار بلاي ليست أثناء التنقل، أو الرجوع لأغاني مرتبطة بذكريات، أو محتوى مألوف بيساعد على استعادة التوازن خلال اليوم.

ومن ناحية التعبير عن الذات، 91% من المستخدمين في مصر قالوا إنهم بيستخدموا سبوتيفاي للتعبير عن مشاعرهم، و96% شايفين إنه بيقربهم من الحاجات اللي بيحبوها، وده بيخلي تجربة الاستماع أعمق من مجرد استهلاك محتوى.

وبشكل عام، المؤشرات دي بتعكس تحول ثقافي أكبر، لأن المستخدمين بقوا أكثر وعيًا وانتقائية في استهلاكهم الرقمي، وبيختاروا تجارب بتديهم إحساس أكبر بالراحة والتواصل والتعبير.