مهرجان التراث والفنون في بيت يكن بالدرب الأحمر من 11 لـ 14 ديسمبر

بيت يكن في الدرب الأحمر هيعمل مهرجان التراث والفنون 2025، واللي هيضم عدد من الفعاليات الفنية والثقافية من يوم 11 لحد 14 ديسمبر. 

المهرجان هيضم معرض فني هيفتتح يوم الخميس 11 من الساعة 6 لـ 9، وهيكون موجود من يوم الجمعة ليوم الحد، وهيعرض أعمال لـ40 من أطفال وسيدات الدرب الأحمر، أي حد يقدر يشتريها. 

وهيكون في ورش فنية زي التطعيم على الخشب والرسم على الخزف والتطريز، ودول هيكونوا موجودين يوم 12 و13 من الساعة 11 لـ 4، والورش دي تقدر تحضرها من خلال الحجز عن طريق صفحة بيت يكن.

غير فعاليات تانية كتير زي مهرجان أكل بلدي واللي هيكون موجود يوم 12 و13 من الساعة 12 لـ 5، وهيكون في مناقشة مع علاء الحبشي اللي هيتكلم عن مبادرة بيت يكن، ماضيه ومستقبله وحاضره. 

وهيتعرض فيلم وثائقي مقدم من مبادرة سيرة القاهرة وده هيكون يوم 12 و13 من الساعة 5 لـ 7.