مهرجان القاهرة الدولي لموسيقى الجاز من 30 أكتوبر لـ 7 نوفمبر 2025

المهرجان هيجمع فنانين من 13 دولة مختلفة، وهيقدم حفلات لفرق وعازفين مختلفين زي فرقة وسط البلد، وعازف العود حازم شاهين، وكمان هيكون في احتفالية خاصة إهداء لروح زياد رحباني.

برنامج المهرجان هيكون مليان بـ الحفلات الموسيقية، وورش العمل، وحلقات العزف الجماعية (Jam Sessions) وعروض الأفلام والندوات الحوارية، وده غير عرض خاص للمواهب الصغيرة.

الفعاليات هتكون موجودة في الجامعة الأمريكية بميدان التحرير، وساقية الصاوي، وتياترو أركان، وساحة روابط، مع حفلات إضافية في مكتبة الإسكندرية ومركز الجيزويت الثقافي.

التذاكر موجودة على موقع "TicketsMarche" تقدر تحجزها من هنا، وعشان تعرف تفاصيل أكتر عن الفعاليات تابع صفحة cairojazzfestival

جدير بالذكر إن المهرجان بيُقام بدعم من الاتحاد الأوروبي وبالتعاون مع EUNIC، وسفارات الدول المشاركة والمنظمات الثقافية الدولية.

الصورة تصوير محمد أحمد