موسيقى حفل افتتاح المتحف المصري الكبير من تأليف هشام نزيه

وبحسب كلام عمرو أديب في برنامجه "الحكاية" على MBC مصر، فالأوركسترا هيشارك فيها عازفين من حوالي 79 دولة، بينهم 121 مصري في عرض موسيقي ضخم العالم كله مستنيه.

جدير بالذكر إن المتحف المصري الكبير هيفتح أبوابه رسميًا يوم 1 نوفمبر الجاي في احتفال كبير هيحضره رؤساء وأمراء وزعماء العالم، وهيبدأ استقبال الجمهور بداية من يوم 4 نوفمبر 2025. وده بعد ما المتحف قفل أبوابه يوم 15 أكتوبر بعد فترة من التشغيل التجريبي، علشان تبدأ أعمال التجهيز النهائية لحفل الافتتاح الرسمي.

وحاليًأ بيشهد محيط المتحف استعدادات مكثفة من كل الجهات الحكومية لتأمين الحدث وتنظيم الفعاليات المرافقة ليه، واللي متوقع يحضرها رؤساء دول ووفود رسمية، وممثلين عن منظمات دولية زي اليونسكو، بجانب عدد كبير من الشخصيات الثقافية والفنية العالمية.