الهيئة العامة لقصور الثقافة برئاسة اللواء خالد اللبان، أطلقت الموسم الثاني من مسابقة "الكاتب المصري" ضمن برنامج وزارة الثقافة، وبتحمل المسابقة السنة دي اسم الكاتب الراحل "يسري الجندي".

وبتتضمن المسابقة شروط للانضمام: هي إن يكون المتسابق مصري الجنسية، ويكون النص المقدم بيه ماحصلش على أي جوايز قبل كدة داخل مصر أو خارجها، ومسبقش إنتاجه بأي شكل من الأشكال أو التعاقد عليه مع أي جهة، ولا يحق للكاتب الاشتراك بأكتر من نص في الفرع الواحد من فروع المسابقة، ولكن ممكن يشارك في فرعين بنصين مختلفين.

وبتتم المشاركة من خلال البريد الإلكتروني: alkatibalmisriu@gmail.com

مع توضيح الفرع المراد المشاركة فيه، في ملف pdf بحجم خط 16، و ملف Word، وبيتم تسليم 3 نسخ ورقية في مقر قصر ثقافة روض الفرج، ومع النص إقرار من الكاتب بخط اليد بملكيته الإبداعية للنص المقدم، وبعدم إنتاجه أو فوزه بأي جوايز.

والشروط الخاصة بفرع الإعداد هي: كل الشروط السابقة مع إن يكون النص المقدم عن أصل غير مسرحي، ويتم كتابة المصدر الأصلي على غلاف النص، مع تقديم موثقة من صاحب العمل الأصلي تثبت موافقته على تحويل عمله لنص مسرحي، وده للأعمال اللي مدخلتش ضمن التراث الإنساني أو المحلي.

وجوائز المسابقة هي 20000 جنيه جايزة أولى في فرع التأليف، و15000 جنيه للجايزة الثانية، 10000 جنيه للجايزة التالتة.

وفي فرع الإعداد الجايزة الأولى بقيمة 15000 جنيه، والتانية 12000 جنيه، والتالتة 8000 جنيه.

آخر ميعاد للتقديم 7 سبتمبر وهيتم الإعلان عن الفائزين في شهر أكتوبر.

والنصوص الفايزة هيتم نشرها في إصدار خاص من كتاب "دليل النصوص - مسرحيات مصرية" اللي بتصدره الإدارة العامة للمسرح بالهيئة العامة لقصور الثقافة.

الموضوع اللي فات القبطان ولاء حافظ دخل "جينيس" بأطول غطسة في العالم للأشخاص ذوي الإعاقة
الموضوع اللي جاي وفاة الكاتب والأديب الكبير صنع الله إبراهيم

"نادين أيوب" أول ممثلة لـ فلسطين في مسابقة ملكة جمال الكون

العاصمة الإدارية للتنمية العمرانية بتشاركنا أهم نجاحات العاصمة الجديدة

"حلوة البدايات"..حوار مع أحمد عصام السيد

وفاة الكاتب والأديب الكبير صنع الله إبراهيم

بداية تقديم طلبات مستأجرين الإيجار القديم للوحدات البديلة من أكتوبر