Copied
وزارة الرياضة عملت برنامج يشجعك تلعب رياضة لمدة شهر ويتابع معاك
هتختار تحدي وهيتم متابعتك وهتكسب ميدالية
20 يوليو 2020
وزارة الرياضة أطلقت تحدي الـ30 يوم اللي هيكون فيه اكتر من تحدي وهما:
* مشى لمسافة 25 كيلو أو 50 كيلو
* كراسى متحركة لمسافة 25 كيلو أو 50 كيلو
* جرى لمسافة 50 كيلو أو 100 كيلو
* دراجات هوائية لمسافة 100 كيلو أو 200 كيلو
* كياك لمسافة 15 كيلو أو 25 كيلو
* دراجات نارية 1000 كيلو. ولازم تختار بعدها رياضة اضافية
واحتساب المسافات هيبقى في الفترة من 1 أغسطس وحتى 30 اغسطس 2020
لينك التسجيل اللى هتضيف فيه كل بياناتك وكمان هتختار نوع التحدى اللى تقدر عليه وهتحمل صورة بطاقتك الشخصية وعنوانك بالتفصيل لو انت فى مصر
ولو انت عايش برة مصر هتختار "All the world" من القائمة "City" وهتحمل صورة باسبورك والشهادة هتجيلك أونلاين
وبعده هتحمل برنامج استرافا من أب ستور أو جوجل بلاي وهتنضم بعد كده فى جروب استرافا وهتنتظر قبولك فيه، علشان يتم المتابعة وتسجيل المسافات، بس لازم يكون الأكونت بابليك
بعد انتهاء الـ30 يوم هيوصلك لحد البيت ميدالية وشهادة، ممكن تتابع اكتر عن التحدي من الصفحة دي
الشروط هى إنك
* تختار تحدى واحد فقط
* ميكونش عندك ما يمنع من ممارسة الرياضة
* يكون سنك فوق ال 16 سنة علشان التسجيل بصورة البطاقة
* تختار التحدى المناسب لمستواك ولياقتك
- الموضوع اللي فات 7 محافظات هيكونوا المرحلة الأولى لتخريد السيارات اللي مر على تصنيعها 20 سنة
- الموضوع اللي جاي صلي واقرا قرآن.. روشتات العلاج النفسي في مصر
الأكثر متابعة هذا الشهر
-
13 فبراير 2025 -
-
-
