وزارة الصحة هتستقبل طلبات المتطوعين للمشاركة في التجارب السريرية للقاح كورونا

أعلنت وزارة الصحة والسكان في مصر إنها هتستقبل طلبات المتطوعين للمشاركة في التجاربة السريرية للقاح كورونا عن طريق الموقع الإلكتروني: (Www.Covactrial.mohp.gov.eg).

الوزيرة هالة زايد قالت إن مصر بتتعاون في اللقاح ده مع الحكومة الصينية وشركة G42 الإماراتية للرعاية الصحية، وبيشارك في التجارب دي 4 دول عربية هما الإمارات والبحرين والأردن ومصر. الهدف هو إجراء 45 ألف تجربة على مستوى العالم، وتم إجراء 35 ألف تجربة لحد دلوقتي، ومصر هتشارك بـ6 آلاف شخص، المشاركين هياخدوا جرعتين تطعيم بينهم 21 يوم، وهيتم متابعتهم لمدة سنة كاملة.

الوزيرة قالت إن اللقاح مر بكل التجارب ما قبل السريرية في المختبرات وعلى الحيوانات، وتمت المرحلة الأولى منه والمرحلة الثانية على بني آدمين عشان يكون أكثر أمانًا لكل المتطوعين. 

مصر كمان اتفقت على 30 مليون جرعة من اللقاحات السبعة اللي وصلت للمرحلة الأخيرة في حالة نجاح أي منهم.