وزارة النقل: "ترام الرمل الجديد" هيشمل 24 محطة بسعة 610 راكب

المهندس سيد كامل مدير مشروع تطوير ترام الرمل بالإسكندرية أعلن عن تفاصيل جديدة عن الترام، وقال إن أسطول النقل الحديث للترام هيضم 30 قطار متطور، وخط ترام الرمل الممتد هيكون طوله 13.2 كم من محطة فيكتوريا لحد محطة الرمل.

والقطارات الجديدة هتشتغل بسرعة تشغيلية حوالي 70 كم في الساعة وده نتيجة لرفع مسار الترام بطول 11 محطة من خلال مسار علوي لتفادي كل فة التقاطعات السطحية الحرجة والزحمة وده بيساهم في تقليل  وقت الرحلة الإجمالي من 60 دقيقة لـ 33 دقيقة فقط وتخفيض وقت التقاطر والانتظار بين الرحلات وهيكون 3 دقايق بس.

كمان السعة الاستيعابية للقطار الواحد الجديد هتوصل لـ 610 راكب وبكدة الطاقة الاستيعابية الإجمالية للخط هتوصل لـ 13800 راكب في الساعة لكل اتجاه لخدمة حوالي 450 ألف راكب يوميًا، والمحطات الـ 24 اللي بيضمها الخط هتنقسم لـ 11 محطة سطحية و12 محطة علوية ومحطة نفقية واحدة، وهيتم مراعاة في تصميمها وتجهيزها توفير كل الخدمات لـ ذوي الهمم مع الالتزام التام بعدم تغيير الشكل التراثي والمعماري للمحطات التاريخية الـ 5 الشهيرة بالخط ومنها سبورتنج ومصطفى كامل ورشدي والإبراهيمية وسيدي جابر ومحطة الرمل.