الإحصاء: 12.64 مليون أسرة عندها كمبيوتر و22 مليون عندها تليفزيون

 الجهاز المركزي للتعبئة العامة والإحصاء أصدر إحصائية بيقول فيها  أن عدد الأسر اللى بتمتلك كمبيوتر  ارتفع إلى 12.64 مليون أسرة سنة 2017، مقابل 11.27 مليون أسرة سنة 2016، بزيادة بلغت نسبتها 12.16%. وأضاف الجهاز فى البيان اللى أصدره بمناسبة اليوم العالمي لمجتمع المعلومات، إن عدد الأسر اللى بتمتلك تليفزيون وصل لحوالى 22.13 مليون أسرة سنة 2017 مقابل 21.61 مليون أسرة سنة 2016 بزيادة بلغت نسبتها 2.41% . 

أما عدد أفراد الأسر اللى بتستخدم الإنترنت في البيت وصل لـ 31.21 مليون فرد سنة 2017، مقابل 27.06 مليون فرد سنة 2016، بزيادة بلغت نسبتها 15.34%، وعدد أفراد الأسر اللى بتستخدم الإنترنت في تحميل الصور والفيديوهات والألعاب واللعب عبر الإنترنت، 18.07 مليون فرد سنة 2017، مقابل 15.46 مليون فرد سنة 2016، بزيادة بلغت نسبتها 16.88% . 

ووصل عدد أفراد الأسر اللى بتستخدم الإنترنت في الحصول على معلومـات عـن السلع والخدمات، 7.36 مليون فرد، و6.66 مليون فرد في استخدام الإنترنت للحصول على معلومات من جهات حكومية، 12.81 فرد  في الحصول على معلومات عن الصحة والخدمـات الصحية، أما عدد أفراد الأسر اللي بيستخدموا الإنترنت فى إرسال واستقبال الإيميلات، وصل عددهم 25.66 مليون فرد.