3 أيام إجازة ولا عدد ساعات عمل أقل؟ اقتراحات جديدة من الحكومة للموظفين

جهاز التنظيم والإدارة قدم 4 مقترحات لموظفين الحكومة عشان يختاروا منها النظام الجديد عشان يعملوا نظام عمل مرن، والجهاز هيعمل استطلاع رأي للموظفين عشان يقرروا أي نظام أفضل فيهم.

الأربع مقترحات هما: 

1. تحريك عدد ساعات العمل يوميًا من 8 صباحًا إلى 5 مساءًا لكن بشيفتات، موظف يعمل من 8 الصبح لـ3، وموظف تاني من 9 لـ4 مساءًا، وموظف تالت من 10 لـ5 مساءًا، عشان كل الموظفين يكونوا موجودين في وقت الذروة من 10 الصبح لـ3 مساءًا.

2. يتم العمل يوميًا من الساعة 8 الصبح - 6 مساء، ويكون العمل 4 أيام في الأسبوع وإجازة 3 أيام بإجماعي عدد ساعات عمل 40 ساعة أسبوعيًا.

3. يعمل الموظف 12 ساعة يوميًا متواصلة من 8 الصبح ل8 مساء لمدة 3 أيام فقط أسبوعيًا وتكون الإجازة 4 أيام.

4- تقسيم ساعات العمل اليومي بالتساوي مع تطبيق "ورديتين عمل" الأولى من 8 صباحا: 2 ظهرا، والثانية من 12 ظهرا: 6 مساء، على أن يكون العمل 6 أيام في الأسبوع ويوم إجازة واحد.

الأنظمة دي هتتعرض على الموظفين في استطلاع رأي وفي نهايته هيقول الموظف سبب اختياره للنظام ده، ولو عنده مقترحات تانية لتطبيقها.