التعبئة والإحصاء: 45.6 ألف "حريقة" حصلت في مصر في سنة واحدة

الجهاز المركزى للتعبئة العامة والإحصاء، طلع بيان رسمي عن إجمالي حوادث الحريق اللي تم رصدها خلال 2016 في مصر. الحرائق بلغ عددها 45.697 ألف، القاهرة جت في المركز الأول بـ7289 حريقة، وده حوالي نسبة 16% من إجمالي عدد الحرايق. محافظة البحيرة جت في المركز الثاني بـ3408 حريقة بنسبة 7.5%، وبعديها محافظة سوهاج، واللي كان فيها 3323 حادث. أما المحافظات الأقل في عدد الحرايق، فهي محافظات شمال وجنوب سيناء. 69 حريقة حصلت بمحافظة شمال سيناء، و 288 حريقة بجنوب سيناء، بنسبة 0.6% من إجمالي الحرايق على مستوى الجمهورية.