7 خطوط أتوبيسات جديدة لربط أكتوبر والشيخ زايد بمترو جامعة القاهرة

الدكتورة ياسمين فؤاد وزارة البيئة، قالت إن هيتم إطلاق 7 خطوط أتوبيسات جديدة لربط مدينتي الشيخ زايد و 6 أكتوبر بمحطة مترو جامعة القاهرة، وده الهدف منه تقليل استخدام السيارات على المحور وبالتالي تقليل نسبة تلوث الهوا اللي السيارات الكتير بتسببها، وده بالتنسيق مع البرنامج الإنمائي للأمم المتحدة.

إعلان الوزيرة كان خلال افتتاح خطوط أتوبيسات الخدمة المميزة، وأضافت كمان في تصريحاتها خلال الافتتاح، إن المشروع مش بس إننا هنوفر أتوبيسات، لكن كمان هنوفر أماكن انتظار وسعر مناسب عشان يجذب المواطنين لركوب أتوبيسات الخط الجديد ويستغنوا عن سياراتهم الخاصة.