9 حفلات جديدة هيحصلوا على المسرح الروماني في الساحل الشمالي، ضمن مهرجان المسرح الروماني، بدايةً من شهر يوليو لحد نهاية أغسطس، بتنظيم من شركات Unlimited و Code Development.

وبداية الحفلات هيكون يوم 9 يوليو وحفلة لـ الـDJ والمنتج الموسيقي ستيفان بودزين، بجانب الثنائي Agents of Time، وأمسية Techno Night، وتاني يوم هيكون حفلة "ليلة التسعينات"، اللي هتجمع أربعة من نجوم التسعينات وهما: محمد فؤاد، حميد الشاعري، هشام عباس، وحسام حسني.

ويوم 17 يوليو هيكون حفل الشامي ومحمد فضل شاكر، ويوم 24 يوليو حفلة لـ تامر عاشور، و "ليلة الغناء الشعبي" هتكون يوم 31 يوليو، للنجوم رضا البحراوي، رحمة محسن وأحمد شيبة.

أما حفلات شهر أغسطس هتكون أول حفلاته يوم 6 أغسطس ولسة متمش الإعلان عن النجم اللي هحييه، أما يوم 14 أغسطس، هيكون حفل لـ نوال الزغبي ووائل جسار، ويوم 21 أغسطس حفلة لـ رامي صبري وروبي، وآخر حفلة يوم 28 أغسطس وهيتم الإعلان عن النجوم اللي هيحيوها قريب.

تذاكر كل حفلات المسرح الروماني متاحة على موقع TicketsMarche https://www.ticketsmarche.com/Event_filter_grid/Eventlist_filter

الموضوع اللي فات "يا خبر أبيض" مسلسل بطولة صفاء أبو السعود وأحمد صيام
الموضوع اللي جاي ٩٥% من المصريين بيستخدموا "سبوتيفاي" في تقليل توترهم

حلقة بودكاست بحضور الجمهور مع حسين فهمي في سينما زاوية يوم ٢٥ يوليو

٩٥% من المصريين بيستخدموا "سبوتيفاي" في تقليل توترهم