قنبلة وقعت على فلسطيني فكشفت عن آثار من العصر الروماني

عبد الكريم الكفرانة فلسطيني  عنده 24 سنة عايش في قطاع غزة، لقى في حديقة بيته مقبرة أثرية بترجع للحقبة الرومانية. 

أثناء الحرب الإسرائيلية على القطاع في 2014 اتدمر بيت "عبدالكريم" والقنابل سبب حفر في حديقة البيت، وفي الأسبوع اللي فات أكتشف إن مياه الأمطار بتتجمع في الحفر ولما عاين الحفر من قريب اكتشف ممرات بتوصل لمقبرة على بعد 4 أمتار، وقال "عبدالكريم": "لما رفعت الحجر شميت ريحة قوية، ولما نزلت اكتشفت وجود 9 قبور فيها عظام وأواني من الفخار"، ورجح علماء آثار إن الموقع ده بيعود للحقبة الرومانية من 2000 سنة وده بسبب طريقة الدفن وحفر القبور اللي انتشرت بين القرنين الخامس والسابع بعد الميلاد.