مسابقة لتصميم اللوجو النهائي للمتحف الكبير و53 متحف غيره في مصر
لوجو تاني هو قلبي طاب من الأولاني؟
الدكتور خالد العناني، وزير الآثار، قال إنه تم نقل 44 ألف تمثال للمتحف المصري الكبير منهم 4400 من مجموعة توت عنخ آمون، وتم ترك بقية المجموعة داخل المتحف المصري في التحرير، عشان يكون للسياح فرصة إنهم يشوفوا جزء من آثار توت عنخ آمون.
"خالد" قال في تصريحات تليفزيونية على قناة "إكسترا نيوز"، إن الطاقة الاستيعابية للمتحف الكبير هتوصل لـ 50 ألف قطعة أثرية. وقال كمان إن فيه 53 متحف في مصر بدون لوجو، عكس المتحف الكبير ومتحف التحرير اللي تم تحديد شعار لِيه سنة 2002
وبخصوص الجدل اللي حصل بسبب لوجو المتحف الكبير، فقال إن الشعار اللي تم وضعه للمتحف الكبير، هو شعار المرحلة الأولى وبيشمل المادة الدعائية للمتحف، وهيتم الإعلان عن مسابقة خاصة للشعار النهائي للمتحف، وهيدعو كل النقابات والفنانين للمشاركة في وضع تصميم للمتحف الكبير و53 متحف في مصر.
- الموضوع اللي فات منع تنظيم أي حفلة في مصر غير بترخيص من 9 وزارات
- الموضوع اللي جاي صلي واقرا قرآن.. روشتات العلاج النفسي في مصر
الأكثر متابعة هذا الشهر
-
13 فبراير 2025 -
-
-
