متحف روسي بيجمع تبرعات عشان يشتري عصا سحرية فرعونية

بدأ متحف بوشكين الحكومى فى موسكو حملة جمع تبرعات لشراء "عصا سحرية مصرية" تعتبر واحدة من تحف الفن المصرى النادرة فى عصر المملكة الوسطى، و بتعتبر "العصا السحرية" فريدة من نوعها لأنها بتحتوى على نقوش نادرة مش موجودة على أى آثار مماثلة فى العالم زى مجسم لثور ونمر برأس حمار ونقوش لحيوانات غريبة، وكمان بتعتبر واحدة من أندر القطع الفنية الأثرية اللى بتمثل الحرف المصرية القديمة و ده لأنه يوجد 240 عصا سحرية مصرية فقط من النوع ده فى جميع متاحف العالم.

"العصا" موجودة ضمن مجموعة الآثار الخاصة بجامع  تحف و آثار اسمه "دانيلى" و بتوصل قيمة المبلغ المطلوب لشراء العصا لـ 6 مليون روبل روسي او حوالى 100 ألف دولار ، وبدأت التبرعات لرغبة المتحف فى عرض "العصا" ضمن مجموعة مقتنياته النادرة فى عيد ميلاده الـ 106 فى 31 مايو الجارى.