Copied
هندي في الإمارات اتهرب من دفع 4 درهم للمرور فاتحكم عليه بغرامة 150 ألف
فالح
28 ديسمبر 2017
في واحد هندي في دبي، عمل أغبى قرار في حياته ويمكن في حيوات كل البشر، لما قرر إنه يتهرب من دفع 4 درهم علشان يشتري تذكرة تسمحله يركن في مكان عمومي، الراجل مارضيش يدفع، فاتوقعت عليه عقوبة سجن 3 شهور غرامة 150 ألف درهم. مبسوط كدة يا حبيبي؟ مش كنت دفعت ال4 درهم وخلصنا؟
محكمة دبي حكمت بالسجن 3 شهور وغرامة 150 ألف درهم لوافد هندي، اتهرب من دفع غرامة 4 درهم. المتهم عنده 41 سنة وزور تذاكر مملوكة لهيئة النقل، علشان مايدفعش تمنها اللي هو 4 درهم. موقع "مصراوي" نشر نقلا عن "سعودي أوتو"، إن المتهم كرر الموضوع ده مرتين، في المرة التانية اتقفش والشرطة اتبلغت وأخد العقوبة دي. بالإضافة للعقوبة، هيخرج بره الإمارات بعد ما يخلص مدة عقوبته
- الموضوع اللي فات مصر بتتفاوض مع الإمارات عشان ترجع بنت عليها قضية محجوزة في مستشفى بدبي
- الموضوع اللي جاي صلي واقرا قرآن.. روشتات العلاج النفسي في مصر
الأكثر متابعة هذا الشهر
-
13 فبراير 2025 -
-
-
