بنت في الصعيد كتبت بوست بتطلب حماية الناس عشان أبوها بيحاول يقتلها

جروبات البنات بتنفع في حاجات كتير، واحدة منهم هي الاستغاثات اللي بتطلقها بنت وتساعدها على أساسها بنات كتير معظمهم مايعرفوهاش خالص.

النهاردة دخلت بنت اسمها "هبه"، بتطلب من البنات يتصلوا بالشرطة وقوات حماية المعنّفات والنسويات عشان يحموها من ضرب أبوها ومحاولته لقتلها -حسب كلامها- هي وبنتها وأمها. في خلال ساعة تفاعل مع البنت آلاف من البنات، منهم "مروة رضوان" النسوية اللي طلبت منها تكلمها على الخاص أو تتصل بيها عشان تساعدها، وكتبت بوست تشرح فيه اللي حصل ورد فعل مكتب حقوق الإنسان في وزارة الداخلية. وحسب كلام "مروة" سبب انفعال الأب هو إن البنت لابسة بنطلون.

بعد شوية البنت كتبت تحديث إن والدها سكت ومابيحاولش يدخل الأوضة، بس هي محبوسة فيها وخايفة تطلع.

الصورة أرشيفية