منظمة "روتاري" العالمية هتعمل أول مستشفى عائمة في مصر والشرق الأوسط

أعلنت منظمة روتاري مصر، عن إقامة أول مستشفى عائم للطفل والأم، وهي أول مستشفى من نوعها في أفريقيا والشرق الأوسط. المستشفى العائم هتلف محافظات الصعيد وهترسي لمدة أسبوع في كل محافظة، وعلى متنها هيكون فيه 15 عيادة متخصصة وعدد من الوحدات بقيادة فريق طبي من الأطباء والاستشاريين وكوادر التمريض للكشف الطبي والعلاج. 

المشروع اللي بتنفذه المنظمة مش هيكون مقتصر على توفير الرعاية الصحية من علاج وتوعية وبس، لكن كمان هيكون فيه أنشطة طبية، زي إنه هيتم عمل عدد من برامج التوعية والتدريب وهتمشل المدارس الابتدائية ومراكز الأمومة والطفولة والمراكز الصحية. وكمان هيكون فيه برامج توعية على متن المركب لرفع الوعي وتصحيح المفاهيم الخاطئة بما يتعلق بالطفل وتنشئته على أسس سليمة صحية ونفسية وجسمانية، بالإضافة لبرامج تدريب المتدربين وتشمل شباب الأطباء والمدرسين والقائمين على رعاية الطفل لرفع الكفاءة وتحسين الأداء. 

المستشفى العائمة هتبدأ من أسوان للجيزة، وهتمر على 8 محافظات، وهتتوقف في كل محافظة لمدة أسبوع عشان يتم الكشف على 1200 لـ 1300 طفل (كشف- علاج- توعية- تعليم).