أم في الفيوم اتفقت مع ناس تخطف ابنها علشان تاخد فدية من جوزها

أم في محافظة الفيوم كانت محتاجة فلوس، فقررت تلجأ لخطة حلوة جدًا، لا وجديدة، اتفقت مع اتنين أصدقاء ليها إنهم يخفوا ابنها، علشان تقول لجوزها اللي شغال في السعودية، إن ابننا اتخطف، واللي خطفوه عاوزين فدية مليون جنيه، واتفقت مع الخاطفين المزيفين إن الفلوس تتقسم عليهم.

الموضوع اتكشف لما عم الطفل اتقدم ببلاغ لمركز شرطة سنورس، بيبلغ عن اختفاء ابن أخوه وإنه جاتله مكالمة من الخاطفين بيطلبوا مليون جنيه علشان يرجعوا الطفل. اتشكل فريق بحث واتعملت تحريات، ووصل الفريق البحثي في النهاية للحقيقة، واكتشفوا إن أم الطفل هي اللي سلمت ابنها لشخصين واتفقت معاهم يكلموا أهل الطفل ويطلبوا فدية.

الأمن قدر يرجع الطفل وقبض على الأم والاتنين اللي اتفقت معاهم واتعمل محضر بالواقعة والنيابة بتحقق حاليًا.

الصورة من موقع: الدستور